Rydyn ni’n gwybod bod teuluoedd ledled y wlad yn teimlo effaith costau byw: dyma’r prif fater sy’n effeithio ar bobl sy’n gweithio.
Dyna pam rydyn ni’n cymryd camau i leihau costau bob dydd, boed drwy rewi prisiau trenau a thaliadau presgripsiwn neu drwy gynyddu cyflogau a gostwng biliau ynni. Rydyn ni’n cymryd camau ymarferol i helpu i wneud pob dydd yn haws.
Gwneud pob dydd yn haws
Gwyliwch sut mae Irisha wedi elwa o gymorth y llywodraeth gyda chostau byw.
Trawsgrifiad fideo
Y cymorth rydyn ni’n ei roi
Hwb i gyflogau miliynau o weithwyr
Bydd 2.7 miliwn o weithwyr yn cael codiad cyflog o 4% o fis Ebrill ymlaen. Bydd gweithwyr amser-llawn ar y Cyflog Byw Cenedlaethol yn gweld cynnydd o £900 y flwyddyn, tra bydd gweithwyr amser-llawn ar gyfradd yr Isafswm Cyflog Cenedlaethol i bobl ifanc 18-20 yn gweld cynnydd o £1,500.
Gwiriwch y cyfraddau sy'n gymwys i chi
Cap prisiau ynni wedi’i ostwng £117
Erbyn hyn, mae’r rheoleiddiwr ynni Ofgem wedi cadarnhau y bydd gostyngiad o 7% yn y cap prisiau ynni ar gyfer mis Ebrill, sef y cap sy’n cyfyngu ar y swm y mae cwsmeriaid ar dariffau amrywiol safonol yn ei dalu am bob uned o nwy a thrydan.
Rhagor o wybodaeth am newidiadau yn y cap prisiau
Ariannu 30 awr o ofal plant
Gall rhieni cymwys sy’n gweithio ac sydd â phant rhwng 9 mis ac oedran ysgol yn Lloegr gael hyd at 30 awr yr wythnos o ofal plant wedi’i ariannu gan y llywodraeth am 38 wythnos o’r flwyddyn, gan arbed £8,000 y flwyddyn ar gyfartaledd.
Rhagor o wybodaeth am y cymorth gofal plant sydd ar gael
Clybiau brecwast am ddim i blant ysgol gynradd
Bydd clybiau brecwast am ddim i bob disgybl ysgol gynradd yn Lloegr yn arbed £450 y flwyddyn i rieni.
Rhagor o wybodaeth am glybiau brecwast am ddim
Ymestyn Prydau Ysgol am Ddim
Mae ymestyn Prydau Ysgol am Ddim i bob plentyn yn Lloegr mewn aelwydydd sydd ar Gredyd Cynhwysol yn rhoi £500 yn ôl ym mhoced teuluoedd mwy na hanner miliwn o blant.
Gwnewch gais am brydau ysgol am ddim
Dileu’r terfyn dau blentyn
Bydd y terfyn dau blentyn ar Gredyd Cynhwysol yn cael ei ddileu o fis Ebrill ymlaen, gan godi amcangyfrif o 450,000 o blant allan o dlodi a sicrhau bod plant yn cael y dechrau gorau mewn bywyd.
Rhagor o wybodaeth
Cap o £3 ar docynnau bws
Rydyn ni’n ymestyn y cap o £3 ar docynnau bws yn Lloegr tan fis Ebrill 2027.
Gwiriwch y llwybrau sydd wedi'u cynnwys yn y cynllun
Rhewi prisiau trenau
Rydyn ni wedi rhewi tocynnau trenau yn 2026 yn Lloegr, gan arbed £315 y flwyddyn i’r cymudwr cyffredin.
Rhagor o wybodaeth am rewi prisiau trenau
Torri treth tanwydd
Rydyn ni’n ymestyn y toriad treth tanwydd o 5c tan fis Medi 2026, yn canslo’r cynnydd chwyddiant arfaethedig ar gyfer 2026-27, ac yn cyflwyno Fuel Finder i ysgogi cystadleuaeth prisiau, gan arbed £89 i’r teulu cyffredin eleni.
Gwiriwch gyfraddau treth tanwydd
Taliadau Tywydd Oer
Bydd Taliadau Tywydd Oer yn dychwelyd y gaeaf hwn. Os ydych chi’n cael budd-daliadau penodol neu Gymorth ar gyfer Llog Morgais, gallech gael £25 yn awtomatig am bob cyfnod o 7 diwrnod pan fo’r tymheredd yn eich ardal yn gostwng i sero gradd Celsius neu’n is, rhwng 1 Tachwedd 2026 a 31 Mawrth 2027.
Rhagor o wybodaeth am Daliadau Tywydd Oer a gwirio’ch cymhwystra chi i’w cael
Tanwydd Gaeaf
Os cawsoch eich geni cyn 28 Mehefin 1960, fe allech chi gael hyd at £300 i helpu gyda’ch biliau gwres y gaeaf hwn rhwng 2026 a 2027 — ac mae’r rhan fwyaf o bobl gymwys yn ei gael yn awtomatig, heb fod angen gwneud cais.
Rhagor o wybodaeth am Daliadau Tanwydd Gaeaf
Absenoldeb Rhiant
Mae gan rieni a gofalwyr hawl i gael 18 wythnos o absenoldeb di-dâl i ofalu am lesiant eu plentyn neu i helpu gyda threfniadau gofal.
Gwiriwch eich hawl i gael Absenoldeb Rhieni Di-dâl