Beth sydd ar gael yr haf hwn?
Bydd dau mesur newydd i rym yr haf hwn i leihau cost diwrnodau allan, teithio a mynd o gwmpas i deuluoedd â phlant.
Ledled y DU
Gostyngiad TAW ar ddiwrnodau allan i blant 🎡
Lleihau TAW o 20% i 5%
Rydym yn gostwng TAW er mwyn leihau’r gost o brydau bwyd i blant mewn bwytai, tocynnau plant ar gyfer theatrau a sinemâu a phob tocyn ar gyfer atyniadau chwarae meddal, parciau adloniant ac amgueddfeydd. Mae hynny’n golygu prisiau is wrth y til, yn awtomatig.*
Atyniadau lleol sy’n cynnig gostyngiad TAW→
Lloegr
Teithio am ddim ar fysiau i blant 🚌
Teithio am ddim ar wasanaethau bws lleol yn ystod mis Awst
Gall plant 5-15 oed sy’n teithio ar wasanaethau bws lleol yn Lloegr deithio am ddim yn ystod mis Awst. Boed yn mynd am ddiwrnod allan, yn ymweld â theulu neu dim ond yn mynd o gwmpas, byddwn ni’n talu am y bws.
Mae hyn yn berthnasol i wasanaethau bysiau lleol yn Lloegr. Nid yw’n berthnasol yn Llundain, lle mae teithio am ddim i blant eisoes ar waith drwy TfL, nac yng Nghymru, yr Alban a Gogledd Iwerddon, lle mae cymorth teithio wedi’i ddatganoli.
Dewch o hyd i lwybrau bysiau yn eich ardal chi →
* Bydd manylion llawn am bwy sy’n gymwys a’r lleoliadau sy’n cymryd rhan ar gyfer y gostyngiad TAW yn cael eu cyhoeddi cyn bo hir. Bydd y dudalen hon yn cael ei diweddaru wrth i ragor o fanylion gael eu cadarnhau.
Pethau sydd am ddim neu’n rhad i’w gwneud yr haf hwn ☀️
Ochr yn ochr â’r mesurau cynilo newydd, mae amrywiaeth o weithgareddau ar gael i deuluoedd ledled Lloegr sydd am ddim, o amgueddfeydd a pharciau i raglenni bwyd yn ystod y gwyliau a chlybiau darllen.
- Amgueddfeydd ac orielau am ddim – mae rhai lleoliadau ledled Lloegr yn cynnig mynediad am ddim drwy’r flwyddyn, gyda rhaglenni haf arbennig i blant. Dewch o hyd i amgueddfeydd yn eich ymyl
- Sialens Ddarllen yr Haf – am ddim yn eich llyfrgell leol i blant rhwng 4 ac 11 oed. Dewch o hyd i’ch llyfrgell agosaf
- Rhaglen Gweithgareddau a Bwyd yn ystod y Gwyliau – gweithgareddau gwyliau am ddim gyda phrydau bwyd i blant sy’n cael prydau ysgol am ddim. Dewch o hyd i weithdy yn eich ardal chi
- Parciau, natur a’r awyr agored – parciau cenedlaethol, traethau a mannau gwyrdd lleol gyda digwyddiadau am ddim dan arweiniad ceidwaid. Porwch drwy’r gweithgareddau awyr agored
Cefnogi Arbedion yr Haf fel busnes
Gall busnesau ledled y DU helpu teuluoedd i fwynhau diwrnodau allan mwy fforddiadwy’r haf hwn. Drwy gynllun Arbedion yr Haf, mae’r llywodraeth yn gostwng TAW dros dro o 20% i 5% ar brydau bwyd i blant, tocynnau plant i fynd i sinemâu, theatrau, cyngherddau ac arddangosfeydd, yn ogystal â mynediad i lawer o atyniadau.
Os ydych chi’n rhedeg bwyty, atyniad, theatr, sinema neu leoliad gweithgareddau sy’n cynnal gweithgareddau i blant, gallwch ddefnyddio pecyn cymorth busnes Arbedion Haf Mawr Prydain i hyrwyddo eich bod yn cymryd rhan yn y cynllun ac i dynnu sylw cwsmeriaid at y bargeinion sydd ar gael.
Mae’r pecyn yn cynnwys:
- Logos a deunyddiau brandio’r ymgyrch
- Posteri, sticeri a graffeg y lleoliad
- Negeseuon ar gyfer y cyfryngau cymdeithasol sy’n barod i’w defnyddio
- Testun ar gyfer gwefan a chylchlythyr
Lawrlwythwch y pecyn cymorth i fusnesau: Arbedion Haf Mawr Prydain→
Cymorth ehangach gyda chostau byw
Mae’r mesurau hyn ar gyfer yr haf yn rhan o becyn ehangach y mae’r llywodraeth wedi’i roi ar waith i helpu aelwydydd gyda phwysau costau cynyddol.
Costau tanwydd
Treth tanwydd wedi’i rhewi. Chwiliwr Tanwydd i gymharu prisiau. Cap o £3 ar bris bws wedi’i ymestyn tan fis Ebrill 2027.
Dewch o hyd i danwydd rhatach→
Teuluoedd a phlant
Clybiau brecwast am ddim. Prydau ysgol am ddim. Rhaglen Gweithgareddau a Bwyd yn ystod y Gwyliau.
Cymorth i Blant →
Cyflogau a gwaith
Cynnydd o 4% yn y Cyflog Byw. Mae 2.7 miliwn o weithwyr yn cael o leiaf £900 yn fwy y flwyddyn.
Gwiriwch gyfradd eich cyflog →